Presidenti rus Vladimir Putin ende dëshiron të pushtojë pjesën më të madhe të Ukrainës, besojnë agjencitë e inteligjencës amerikane.
Trupat e Moskës janë dobësuar nga luftimet, megjithatë zyrtarët amerikanë vlerësojnë se ato janë në gjendje të bëjnë vetëm fitime të ngadalta territoriale.
Kjo do të thotë se lufta mund të zgjasë për një kohë të gjatë, thotë Drejtori i Inteligjencës Kombëtare Avril Haines.
Në mars, Moska i ripërqendroi përpjekjet e saj për të pushtuar zonën e Donbasit të Ukrainës, pasi dështoi të pushtonte Kievin dhe qytete të tjera.
“Putin ka ende të njëjtat synime si ato që kishte në fillim të konfliktit”, tha zyrtarja e lartë e inteligjencës amerikane, zonja Haines. “Ai do të marrë pjesën më të madhe të Ukrainës”,-shtoi ajo.
Por, Rusia nuk ka gjasa ta arrijë këtë qëllim së shpejti, tha ajo.
“Ne perceptojmë një shkëputje midis objektivave ushtarake afatshkurtër të Putinit në këtë fushë dhe kapacitetit të ushtrisë së tij, një lloj mospërputhje midis ambicieve të tij dhe asaj që ushtria është në gjendje të arrijë,” tha ajo në një konferencë të Departamentit të Tregtisë së SHBA.
Që nga dështimi për të arritur qëllimin e saj fillestar për të pushtuar Kievin, Rusia është përqendruar në marrjen e territorit në rajonin lindor të Donbasit – një zonë e madhe industriale ku Putin pretendon në mënyrë të rreme Ukraina ka kryer një gjenocid kundër rusishtfolësve.
Forcat ruse kanë arritur përfitime atje, duke marrë së fundmi kontrollin e qytetit të Severodonetsk, por përparimi ka qenë i ngadaltë dhe forcat ukrainase kanë bërë rezistencë të fortë, shkruan BBC./Opinion.al
