Një video tronditëse nga Uzbekistani është bërë virale në rrjetet sociale. Në pamje shfaqet një dhëndër që godet me grusht në kokë nusen e tij në ditën e tyre të dasmës.
Të porsamartuarit shfaqen në skenë nusja me fustanin e nusërisë ndërsa dhëndri i veshur me kostum.
Sipas Metro çifti ka qenë duke luajtur një lojë të cilën e ka fituar nusja. Por kjo nuk është pritur mirë nga dhëndri.
Kur ai e kupton se ka humbur, papritmas sulmon gruan e tij që qëndron pranë shoqërueses së nuses.
Nusja në fillim është shtangur dhe shfaqet teksa dridhet nga dhimbja ndërsa të ftuarit e tjerë pushojnë së qeshuri nga skena që sapo kishin parë.
Fatkeqësisht, kjo nuk është hera e parë që shfaqen pamje të tilla të rënda në ceremonitë martesore në Uzbekistan./Opinion.al
