Kryeministri Edi Rama ka marrë në mbrojtje homologun e tij maqedonas, Dimitar Kovaçevski, pas sulmeve për shtrëngimin e duarve me Kancelarin e Gjermanisë, Olaf Scholz.
Një postim në rrjetet sociale, kreu i qeverisë shprehet se është për të qeshur dhe qarë histeria e disa personave në Shkup, pasi ironizoi bllokadën ndaj Maqedonisë së Veriut nga ana e Bullgarisë.
“Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve”, shkruan Rama.
Kujtojmë se teksa kryeministri mikpritës grek Mitsotakis e prezantoi Scholz-in me kryeministrin shqiptar dhe Dimitar Kovaçevskin si kryeministër të Maqedonisë, Rama iu bashkua bisedës me një shënim, “e ardhmja, e ardhmja Bullgaria perëndimore”./ Opinion.al
Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve? pic.twitter.com/x9jzAyD3AE
— Edi Rama (@ediramaal) June 12, 2022
