Në tryezën e negociatave që po zhvillohen sot mes opozitës dhe mazhorancës për zgjedhjen e Presidentit të ri, kreu i grupit parlamentar të PS, Taulant Balla, tha se që opozita të propozojë emra për presidentin duhet të ketë mbështetjen e 20 firmave deputetë. Ai iu drejtua Alibeajt duke i thënë: I keni ju 20 firma për të propozuar një kandidat ?
Më tej Balla u shpreh se opozita mund të sjellë tre kandidatë, por kushti i vetëm që mazhoranca ka është që “kandidat që vjen nga katrani me bojë nuk pranojmë”, duke iu referuar kështu ish-kryeministrit Berisha.
“Të hënën në orën 18:00 kemi raundin e dytë, që presidenti të zgjidhet duhet të ketë mbështetjen e 20 firmave deputetë. I keni ju 20 firma për të propozuar një kandidat?
Se e tillë është procedura kushtetuese silleni kandidatin, nëse do ishte kandidat unik, opozita mund të sjellë tre kandidatë, por unë besoj që kini parasysh që ne kemi vënë kusht që të gjithë e dinë që kandidat që vjen nga katrani me bojë nuk pranojmë për të tjerët s’ka asnjë problem. Silleni kandidatin, për non gratat e kisha fjalën. Silleni po keni se keni dakordësi.
Kështu respektojmë e jemi e të barabartë. raundi i katërt e pestë ne nuk do propozojmë kandidatë pa e propozuar ju. Ju do propozoni ne do e mendojmë e pastaj kemi e ne të drejtën e propozimit.
Pse nuk po propozon PS emra? PS nuk ka një proces që nuk e përgatit në kohë, e përgatit me muaj jemi përgatitur kemi dy muaj që jemi përgatitur për këtë proces, kemi bërë seanca brenda nesh, kemi marrë propozime, kemi bërë shumë konsultime e kemi gati dhe ne një short listë tonën, por e vërteta është që në tre raundet e para të drejtën e propozimet e ka opozita.
Ku i dihet në ato që do propozoni ju mund të gjejmë kandidatin që do marrë mbështetjen për të qenë president/ presidente. këtë e kemi thënë e pa media.
Mund të qëllojë që një nga emrat…nuk është e vërtetë që kemi përjashtuar politikën por kemi thënë që politikan aktiv anëtar i grupit parlametar të PS nuk mund të jetë”-tha Balla.
