Ish-kryeministri Sali Berisha ishte në Shkodër në kuadër të fushatës që po zhvillon në të gjithë Shqipërinë për zgjedhjen e kreut të PD, ku ai kandidon përballë Ibsen Elezit.
Gjatë fjalës së tij, Berisha hodhi akuza ndaj qeverisë dhe grupit tjetër të opozitës së PD, sipas të cilit janë kthyer në freskore të qeverisë.
Ai gjithashtu akuzoi qeverinë se me “drejtësinë e kontrolluar po godet opozitën e vërtetë.”
“Lëvizja jonë mori jetë në një nga momentet më kritike, më absurde, më antidemokratike të Shqipërisë. Kjo lëvizje në një kohë të shkurtër riktheu në Shqipëri opozitën e vërtet, riktheu PD e rithemeluar, si parti të idealeve dhe shpresave tuaja. Në këtë udhëtim Shkodra më 6 mars do të paraqitej siç është, diamanti i fitores së kësaj fitoreje epike.
Një qeveri e cila disponon mjete të paligjshme, një qeveri e cila në dhunim të normave demokratike ka vendosur të çimentojë pushtetin e saj. Një preudoopozitë, e cila është shndërruar në një freskore të qeverisë u angazhua me lojërat e saj. Një drejtësi e kontrolluar nga qeveria, në funksion të goditjes së opozitës së vërtet. Kësaj here në goditje kundër PD dhe opozitës së vërtet u mobilizua edhe mafia e Xhorxh Sorosit, mafia më e rrezikshme politike”,-tha Berisha./Opinion.al
