Është nxjerrë pas disa orësh kërkime trupi i pajetë i turistit gjerman që ra në një humnerë në Theth. Ngjarja ka ndodhur në vendin e quajtur “Qafë Valbonë”. Policia Tropojë bën me dije se viktima është identifikuar si shtetasi me inicialet D. J.
Ndërkohë, e plagosur mbeti shtetasja gjermane M. S., 29 vjeçe. Kjo e fundit po eksploronte zonën e Valbonës, së bashku me shtetasin D. J., 30 vjeç, i cili duke u ngjitur në një shkëmb të thepisur, me dëborë, ka rrëshqitur dhe ka rënë në humnerë dhe për pasojë humbi jetën.
