Kryeministri Edi Rama, në konferencën e përbashkët me Komisionerin për Zgjerimin i Bashkimit Europian, Oliver Varhelyi, u pyet edhe për përplasjet në rajon dhe për konfliktin Kosovë Serbi.
Rama u shpreh se Kosova dhe Serbia duhet të bëjnë paqe dhe se këtë e kanë kërkuar vende që nuk janë proserbe.
Ndër të tjera ai tha se paqja bëhet me armikun e jo me mikun. Sipas Ramës, të dyja vendet janë fqinje dhe duhet patjetër të vendosin paqe me njëra-tjetrën.
“Ajo që po ndodh në Ukrainë nuk është një arsye më shumë për të menduar se do të kemi një Ukrainë të dy në Ballkan, por për të menduar që të kemi vendosjen e paqes në vend. Nuk ka asnjë rrugë tjetër. Kulmin e konfliktit e shohim sot, por ka pasur një proces, duhet të na mësojnë shumë fare, paqja nuk bëhet me mikun, me armikun bëhet dhe në këtë rast paqja bëhet me armikun e deridjeshëm, nuk është miku i sotëm i Kosovës, por që është aty. As Kosova dhe as Serbia nuk do lëvizin nga vendi, kështu që të bëjnë paqe mes tyre. Në qasjet e Bruskelit, të BE-së dhe SHBA nuk kam gjetur një që të thotë se Kosova nuk duhet të ulet me Serbinë, dhe këta vende nuk janë proserbë. Për të cituar një mik të shqiptarëve, që është edhe proserbëve, Orban, është që duhet një durim strategjik. Kosovën e kanë shpëtuar vendet e BE dhe SHBA, me gjithë respektin për UÇK-në”,-tha Rama./Opinion.al
