Kreu i grupit parlamentar socialist, Taulant Balla në një prononcim për mediat ka folur lidhur me procesin e zgjedhjes së presidentit të ri.
Balla bëri të ditur se procesi për presidentin e ri do të shtyhet për pak ditë.
Ai tha se Konferenca e parë e Kryetarëve do të mbahet më 4 maj edhe pse ishte parashikuar më 29 prill.
“Me një pjesë të grupeve parlamentare të opozitë kemi dakordësuar kërkesën nga Mediu dhe Doda për të pasur pak më shumë kohë në dispozicion. Kam informuar grupin parlamentar për spostimin me disa ditë të mbajtjes së konferencës së parë të Kryetarëve. Më pas të vazhdojmë me parashikimet e kalendarit jo më vonë se 7 ditë, pra Konferenca e Kryetarëve mbahet me 4 maj. Kjo shtyrje me 5-6 ditë i shërben të gjitha grupeve, edhe PD dhe dy grupeve të tjera si dhe grupit tonë për të reflektuar. Me rëndësi është që të kemi një president për të unifikuar unitetin e popullit. Koha është e mjaftueshme që deri javën tjetër të jetë një kohë për të qartësuar mënyrën e negocimit për profilin e Presidentit të Republikës”,-tha Balla./Opinion.al
