Ai tha se PD nuk do të votojë asnjë kandidat për President, qoftë edhe i djathtë, nëse emri i tij është propozuar nga kryeministri Rama.
Berisha u shpreh se ai PD do të votojë vetëm atë emër që do ta propozojë ajo.
“Asnjë kandidat të propozuar nga Edi Rama nuk do ta votoja. Rregulli është rregull. Në qoftë se maxhoranca vendos që tia japë opozitës, atëherë është opozita që negocion, përzgjedh, paraqet një apo dy emra dhe vendoset. Por Edi Rama po bën të kundërtën. Të implikohesh në një proces me zarfe, është njësoj si në një tender secret. Tenderi secret nuk mund të jetë me përjashtim të atyre që bëjnë shërbimet inteligjente”,-tha Berisha.
Berisha tha se PD do të jetë në votimin në Parlament, por nuk do të marrë pjesë në procesin e zarfave.
“Me votim në Parlament PD do të jetë, por në proces të bazuar në zarfet sekrete nuk do të jetë. Se çfarë do të bëj Alibeaj më Ballën ajo është çështje e tyre. E patë edhe dje që ai i lejoi vetes të keqpërdoret në shkallët më ekstreme. Në 30 vjet nuk ka ndodhur një që deputet të keqpërdoret në këtë lloj mënyre. Unë po flas për opozitën e vërtetë”,-tha Berisha./Opinion.al
