Një i ri mësohet të jetë plagosur me thikë në ambjentet e një lokali nate në qytetin e Sarandës mbrëmjen e së shtunës.
Sipas të dhënave paraprake 28-vjeçari Dino Majko është qëlluar në prani edhe të klientëve të tjerë nga shtetasi Enivled Aliu. Më pas ai është transportuar me urgjencë në spital. Mësohet se gjendja e tij shëndetësore është e rëndë. Ndërkohë në vendin e ngjarjes ndodhen forca të shumta policie.
Njoftimi i Policisë:
Sarandë/Informacion paraprak
Në datën 09.04.2022, në lagjen nr.1, Sarandë, shtetasi E. A., ka goditur me mjet prerës (thikë), shtetasin D. M., 29 vjeç, banues në Sarandë , i cili ndodhet në spitalin e Sarandës, nën kujdesin e mjekëve
Shërbimet e Policisë po krehin zonën për të bëre të mundur kapjen e autorit.
Grupi hetimor ndodhet në vendngjarje dhe po punon per sqarimin e rrethanave të ngjarjes.
