Ditën e nesërme do të bllokohet qarkullimi i automjeteve në disa rrugë të Tiranës nga ora 12:00 deri në orën 15:00.
Këto masa merren në kuadër të një manifestimi që do mbahet në sheshin “Skënderbej” të thirrur nga komuniteti ukrainas në mbështetje të vendit të tyre dhe popullsisë atje, e cila po përballet me agresionin rus.
1-Kufizime do të ketë në segmentet e mëposhtme:
- Bulevardi “Bajram Curri”, segmenti nga kryqëzimi me rrugën “Ibraim Rugova” deri në Bulevardin “Dëshmorët e Kombit”.
- Bulevardi “Dëshmorët e Kombit”, segmentin nga kryqëzimi me Bulevardin “Bajram Curri” deri në kryqëzimin me rrugën “Ismail Qemali”.
- Bulevardi “Dëshmorët e Kombit”, segmenti nga “Sheshi Skënderbej” deri në Bulevardin “Bajram Curri” (përkohësisht në intervalin kohor përgjatë marshimit).
2-Qarkullimi i automjeteve, mjeteve të emergjencës dhe Policisë së Shtetit do të behet, në akset e mëposhtme:
- Rruga “Ibrahim Rugova”, Bulevardi “Zan D’Ark”, rruga “Ismail Qemali” dhe rruga “Papa Gjon Pali
3-Itenerari i lëvizjes së mjeteve të linjave urbane do të vazhdojë lëvizjen si më poshtë:
- Linja e unazës do të devijohet në urën e Drejtorisë së Policisë dhe në urën e rrugës së “Elbasanit”, (vetëm për sensin antiorar).
- Linja “Tirana e Re” do të devijojë te sheshi “Willson” dhe tek “UFO”.
