Deputeti demokrat, Ferdinand Xhaferaj, thotë se rezultati i PD në zgjedhjet e 6 marsit tregoi se partia ka nevojë për një zgjidhje përtej Lulzim Bashës dhe Sali Berishës.
Në “Abc”, Xhaferaj tha se Berisha është njeriu që shkaktoi krizë në PD, ndërsa shtoi se në zgjedhjet e pjesshme lokale edhe po të bashkohej ish-kryeminsitri me Bashën, përsëri PD nuk do të merrte rezultat më të mirë se PS.
‘Berisha nuk është zgjidhje, ai është kriza. Tani kemi evidencë të provuar që nuk është zgjidhje. Në 6 Mars ai erdhi në Bashkinë e Durrësit dhe nuk i kaloi 29%, po kjo evidencë u provua dhe për Bashën, i cili tregoi se alternativa e tij nuk e pëlqen atë. 6 Marsi tregoi se të djathtës shqiptare i duhet një zgjidhje përtej Bashës dhe Berishës. 6 Marsi tregoi se si Basha dhe Berisha edhe po të bashkohen nuk e mundin dot Edi Ramën’, tha Xhaferaj./ Opinion.al
