Mbi 66 mijë qytetarë janë kthyer në Ukrainë gjatë ditëve të fundit për t’iu bashkuar radhëve të ushtrisë dhe Rezistencës kundër mësymjes ruse në vendin e tyre.
Lajmi u konfirmua përmes një postimi në rrjetet sociale nga ministri i Mbrojtjes në Ukrainë, Oleksii Reznikov, i cili vlerëson guximin e burrave që janë kthyer nga jashtë për të luftuar.
Më herët, presidenti Zelensky deklaroi se 16 mijë luftëtarë të huaj pritet t’i bashkohen trupave ukrainase në luftën kundër ushtrisë ruse.
