Presidenti i Bjellorusisë, Aleksandër Lukashenko thotë se pret të diskutojë me homologun e tij rus Vladimir Putin në ditët në vijim për vendosjen e mundshme të sistemeve raketore në Bjellorusi.
“Të enjten ose të premten ne do të flasim me Presidentin e Rusisë se si të forcohemi këtu në drejtimin perëndimor,” i tha Lukashenko agjencisë shtetërore të lajmeve të enjten.
“Sot u konsultuam me ushtrinë dhe shohim se do të ishte e dëshirueshme që të vendoseshin sistemet raketore Iskanders, në mënyrë që të mund të monitorojmë situatën deri në Berlin.” tha Lukashenko.
Bjellorusia dhe Rusia kanë lidhje të ngushta ushtarake dhe trupat ruse janë vendosur së fundi në Bjellorusi për stërvitje të gjera ushtarake. Gjithashtu, trupat ruse kanë hyrë në Ukrainë nga një vendkalim kufitar me Bjellorusinë.
