KAS ka rrëzuar këtë të hënë kërkesën ankimore të PD për çështjen e regjistrimit të koalicionit “Shtëpia e Lirisë”.
Në shkresën e dorëzuar në KAS, PD kërkonte shfuqizimin e koalicionit “Shtëpia e Lirisë” duke parashtruar 3 argumente, dorëzimin e kërkesës për koalicion nga LSI para se të regjistroheshin si parti, përdorimin e simboleve të PD pa miratimin e kryedemokratit, Lulzim Basha, si dhe mbetët ende e paqartë se cila parti do të propozojë kandidatët për 6 bashkitë në zgjedhjet e 6 marsit.
“Kërkesa dhe marrëveshja përmbajnë referenca te Partia Demokratike e Shqipërisë, në kushtet kur kjo e fundit as nëpërmjet kryetarit të saj apo ndonjë personi tjetër te autorizuar nga ana e tij, nuk ka shprehur vullnetin për të qenë pjesëmarrëse në këtë koalicion”, shkruan PD.
Sipas PD marrëveshjes i mungon edhe një element tjetër i rëndësishëm që ka të bëjë me përcaktimin e numrit të kandidatëve nga secila parti politike.
“Në kushtet kur subjekti “Komisioni i Përkohshëm i Rithemelimit” është përjashtuar nga marrëveshja, mbetet e paqartë se cila parti politike do të propozoje kandidatet e koalicionit”, shkruan PD.
Për këto arsye PD kërkonte zhbërjen e koalicionit ‘Shtëpia e Lirisë’.
Kujtojmë se në këtë koalicion nuk u njoh nga KQZ Komisioni i Rithemelimit të PD-së, i përfaqësuar nga ish-kryeministri Sali Berisha./Opinion.al
