I shpallur i zhdukur më 26 Dhjetor të vitit të shkuar nga familjarët e tij, peshkatari Tofik Gjika është gjetur i pajetë pasditen e sotme në liqenin e Fierzës. Mësohet se trupi i 50-vjeçarit me origjinë nga Dibra, është gjetur në ujërat e liqenit të Fierzës, në afërsi të fshatit Bushat të Kukësit. Kanë qenë vetë familjarët që kanë arritur ta gjejnë trupin, pas më shumë se një muaji kërkimesh me varka në liqen.
Trupi i pajetë është dërguar fillimisht në morgun e spitalit të Kukësit dhe më pas është nisur drejt morgut në Tiranë./Opinion.al
