Partia Demokratike ka denoncuar ditën e sotme rritjen e çmimit të naftës.
Në një postim në “Facebook”, nënkryetarja e Partisë Demokratike, Jorida Tabaku, ka publikuar një grafik që tregon koston me të cilën nafta vjen në Shqipëri dhe taksat që paguajnë shqiptarët që e çojnë vlerën e këtij produkti në 199 lekë/litër.
“Veç 61 lekë është kosto reale me të cilën vjen nga tregjet ndërkombëtare e një litri naftë përpara se taksat ta shndërrojnë në 199 lekë/litër”, shkruan Tabaku.
Çmimi i naftës është rritur ndjeshëm, duke shkuar afro 200 lekë, duke arritur një rekord të ri./Opinion.al
