Ish-kryeministri Sali Berisha, ishte sot në një takim me mbështetësit e tij në Vaun e Dejës. Gjatë fjalës së tij ai hodhi sërish akuza ndaj kryetarit të PD, Lulzim Basha.
Sipas Berishës, Basha nuk mbështetet vetëm nga kryeministri Edi Rama por edhe nga SHBA.
Ish-kryeministri tha se Basha është mbajtur “peng” nga një dosje për pastrim parash. Berisha është shprehur se Basha pranoi ta largojë Berishën nga politika për të mos shkuar vetë në burg.
“Sot Bashën nuk e mbështet vetëm Edi Rama, por edhe përfaqësues të vendit të madh të lirisë. Kjo mbështetje është një lojë e rrezikshme për pluralizmin në Shqipëri. Kë po mbështesin ata me përkrahjen ndaj Lul Bravës? Ai peng i tyre, i marr me dosjen Muzin. Lulzim Basha është i marr peng me një dosje për larje parash në SHBA dhe Tiranë. Ai firmosi që për të mos shkuar në burg, do të largonte Sali Berishën nga politika. Kjo është e vërteta”,-tha Berisha.
