Gazetari Jul Kasapi deklaron në emisionin “Opinion” se Ergys Dashi, 34-vjeçari që u ekzekutua me armë zjarri më 22 Janar në Ekuador rezulton të ketë hyrë në vend në vitin 2018.
Kasapi tha se dyshohet se vrasja e tij ka lidhje me trafikun e kokainës. Sipas gazetarit, mendohet që Ergys Dashi, njihej me pseudonimin “Pika”, të ketë patur rolin e kujdestarit për ngarkesat e drogës.
“Ka hyrë në Guajakil në vitin 2018, qëndrimet e tij janë deri 1-mujore. Çka do të thotë se ky është një emisar. Rruga që ndjekin është Frankurt-Bogota, por edhe Madridi. 34-vjeçari ka patur lidhje me një person që është ekzekutuar në Durrës. Sipas autoriteteve atje është emisar. Është paraqitur jo me shumë para. Megjithatë persona në kalibrin e 34-vjeçarit janë persona që kujdesen për ngarkesat, financimin. Më rezulton që ka patur një bllokim para 3 javësh të një ngarkese. Nuk mund të them se ka lidhje me atë bllokim”, tha gazetari Jul Kasapi.
