Një vajzë ka pësuar djegie për shkak të zjarrit që ra në një banesë në fshatin Dishnicë të Korçës. Ngjarja ka ndodhur rreth orës 06:15.
Policia u njoftua për zjarrin që kishte rënë në banesën në pronësi të qytetarit me iniciale I.B. Për pasojë, vajza e tij me iniciale K.B. ka pësuar djegie trupore.
Dyshohet se ajo vuan nga probleme të shëndetit mendor. Vajza është dërguar në spital dhe ndodhet jashtë rrezikut për jetën.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.
