Sulmuesi i Argjentinës dhe PSG-së, Lionel Meesi, është infektuar me COVID-19. Së bashku me Messin kanë rezultuar pozitiv me COVID dhe tre lojtarë të tjerë.
Ky lajm vjen para ndeshjes kundër Vannes në Coupe de France. Goal.com, bën me dije se Messi ka rezultuar pozitiv me Covid-19 dhe lajmi është konfirmuar nga Paris Saint-Germain.
Sulmuesi argjentinas do të humbasë ndeshjen e skuadrës me Vannes në Coupe de France të hënën, pasi ai dhe Juan Bernat, Sergio Rico dhe Nathan Bitumazala janë prekur me Covid-19.
Neymar do të mungojë edhe në ndeshjet kundër Vannes dhe Lyonit./Opinion.al
