Partia Demokratike ka mbledhur këtë pasdite Këshillin Kombëtar, ku sipas informacioneve të siguruara nga Opinion.al, ka arritur të ketë një kuorum prej 291 anëtarësh nga 484 që është numri i tyre.
Në mbledhjen e sotme ashtu sikurse u njoftua një ditë më parë pritet miratimi i shkarkimit të kryetarit të Këshillit Kombëtar Edi Paloka dhe disa sekretarëve të pranishëm në kuvendin e mbajtur një ditë më parë nga Sali Berisha. Gjithashtu pritet të votohet një rezolutë e jashtëzakonshme, për gjendjen ku ndodhet partia.
Në fjalën e tij në këtë mbledhje Lulzim Basha është shfaqur mirënjohës ndaj anëtarëve të pranishë, ndërsa tha se nuk duhet të prevalojnë politikat përçarëse.
“Me një vendim te paligjshëm, antistatutor, përçarës, Berisha pezulloi dhe këshillin kombëtar. Ju jam mirënjohës për përpjekjen tuaj dhe ata qe përfaqësoni, qe te mos prevalojne retorikat përçarëse. Kjo është rruga e vetme qe te shkojmë përpara”.
Ndërsa Jemin Gjana, është shprehur pro vendimeve të kryesisë, por ka kërkuar që debatet të bëhet në terren.
“Jam sot se jam votuar per te qenë ne nje institucion legal te PD. Jam votuar nga ju qe jeni sot këtu dhe nga disa qe ishin dje atje. Jam këtu sepse si i vetmi individ, ndjesë për modestine, kam 30 vite e 3 muaj, që ne kuvendin e pare të PD që jam pjese e kësaj trupe pa asnje ndërprerje. Nuk e ka askush kete luks do ta quaj. Ne kryesi u kam thënë kolegeve qe asnjëherë, që nga dita e pare dhe deri sot nuk jam as ne partine e Berishes, as të Selamit, as Shehut as Bashes. Jam ne PD. Dhe jam sot ketu se kam qene 30 vite pa nderprere tek institucionet legale te PD. Jam pro vendimeve te marra ne kryesinë e PD. Nuk po perjashtojme ata qe kane shkuar ne stadium, se janë te lire te shkojnë kudo. Ata qe kane bere nje grup 29 siç kemi bere në 97, ata nuk mund të jene në 2 vende. Jam pro rezolutës, por dua te them se ne kemi lëshuar terren pas 15 Nëntorit. Ne kemi dale ne 97’en me automatik. Kishim probleme me tanet, me grupet e armatosura. Por njerëzit nuk i lëshuam dhe ne nuk duhet t’i lëshojë njerëzit. Trupa e PD duhet te shtrihet ne teren. Atje duhet ta bëjmë debatin”, tha Gjana./Opinion.al
