Komisioni i Rithemelimit, i ngritur dje nga Kuvendi i thirrur nga Berisha ka reaguar ditën e sotme lidhur me mbledhjen e Këshillit Kombëtar, të thirrur nga kreu i PD Lulzim Basha.
Përmes një deklarate ju bën thirrje anëtarëve që të bojkotojnë mbledhjen dhe mos të bëhen pjesë e paligjshmërisë.
Sipas Komisionit të Rithemelimit Basha u shkarkua nga posti me 4 446 vota në Kuvendin Kombëtar të zhvilluar dje në “Air Albania”.
“Te nderuar anetare te Keshillit Kombetar!
Dje me 4446 vota Kuvendi Kombetar i PD vendosi shkarkimin e Lulzim Bashes nga posti i kryetarit per shkelje te renda statutore, si dhe konstatoi paligjshmerine e pjeses me te madhe te kryesise si te zgjedhur ne dhunim flagrant me statutin e PD.
Gjithashtu, ju bejme me dije se Kuvendi Kombetar ka mandatuar Komisionin e Rithemelimit per te permbushur vakumin e krijuar deri ne zgjedhjen e kryetarit dhe kryesise se re!
Per sa me lart ju njoftojme se mbledhja e KK e thirrur nga deputeti Lulzim Basha eshte nul dhe e paligjshme.
Ju bejme thirrje te bojktoni mbledhjen dhe mos beheni pjese e paligjshmerise!
Ju ftojme gjithashtu te mos beheni pjese e percarjes dhe perjashtimeve nga PD per karriken e thyer te Lulzim Bashes.
Sot eshte momenti te bashkohemi duke degjuar zerin dhe vullnetin e demokrateve!
Komisioni i Rithemelimit”-shkruahet në deklaratë./Opinion.al
