Edicioni i 60 i Këngës në Radio Televizionin Shqiptar do të mbahet këtë vit në Pallatin e Kongreseve, në datat 27, 28 dhe 29 dhjetor, ndërsa tashmë janë bërë publik edhe emrat e prezantuesve.
Xhemi Shehu, Jonida Maliqi, Isli Islami, Klevi Kadilli, do të prezantojnë të 3 netët e Festivalit.
Ndërkohë ajo që bie në sy është rikthimi në mesin e prezantuesve të Ardit Gjebreas. Vetë Gjebrea e ka bërë të ditur lajmin përmes një postimi në rrjetin social “Insatgram”, ku thekson se do të jetë prezantues i ftuar në natën e dytë. Lidhur me këtë fakt, Gjebrea është shprehur entuziast dhe thotë se më shumë se sa një prezantues do të jetë dëshmitar i një historie.
“Ky është viti i 60të për Festivalin e Këngës në RTSH. Unë do të jem prezantues i ftuar në natën e dytë dhe do jem në skenë me: Xhemi Shehun, Jonida Maliqin, Isli Islamin, Klevi Kadillin, të cilët do të prezantojnë të 3 netët e Festivalit. Më shumë se prezantues, do të jem dëshmitar i një historie të cilën do ta përshkojmë me disa nga emrat më të spikatur, gdhendur në kujtesën dhe dashurinë e publikut.
Unë vetë, raportin me Festivalin e kam jetuar në 3 dimensione:
1. Kantautor: “Jon” “I thuaj Jo” “Eja”
2. Kompozitor: Irma Libohova dhe Frederik Ndoci, Rovena Dilo, Mariza Ikonomi, Ëest Side Family si dhe me Juliana Pasha deri në Eurovizion 2010.
3. Prezantues në 1996 dhe pasfestival 1997
Ishte viti i 30-të kur këndova Këngën “Jon” – një këngë e cila ndau në mes dy epoka dhe ndan mes edhe historinë e 60 viteve. Dhe unë do jem në mes të Festivalit, në natën e dytë!
Rikthehem me shumë dëshirë për të përcjellë dashuri, nostalgji dhe muzikën që na ka shoqëruar gjithë jetën”, shkruan Gjebrea./Opinion.al
