Është shoqëruar me debate të forta mbrëmja e djeshme e Spektaklit “Love Story”. Moderatorja Alketa Vejsiu është përplasur me piktorin dhe këngëtarin Robert Aliaj.
Debati ka nisur pas një fjale të përdorur nga Robert Aliaj kundër Danielës, të cilës i tha që është histerike dhe po del keq duke folur në çdo vend.
Alketa Vejsiu iu drejtua Aliajt duke i thënë se nuk mund t’i drejtohet me ato fjalë një vajze, ndërsa moderatorja dhe opinionisti akuzuan njëri-tjetrin për banalitet.
Roberti: Daniela, tani e kupton duhet të balancohesh pak. Po u jap një këshillë të gjithëve, të gjithë të rinjve shqiptarë, që të kuptojnë që histeria është gjëja më e tmerrshme mes një çifti. Që shikon një femër që është histerike dhe nuk mund të biesh dakord në asnjë dimension duhet të zhdukesh. Dhe një mashkull po ashtu. Dhe po jep një dimension të tillë. Po e themi një mijë herë këtu.
Daniela (konkurrentja): Fakti që… unë kam të drejtë të flas.
Roberti: Po del një gore, po del gore.
Alketa Vejsiu: Robert të lutem.
Roberti: Po të lutem tani, mos na tregoni…
Alketa Vejsiu: Mos e banalizoni tani.
Roberti: E di çfarë është etika e komunikimit, argumenti që ne themi.
Alekta Vejsiu: Po argumentin zgjidhe me fjalët e duhura, jo me fjalët që i thua një vajze. Nuk mund t’ja thuash atë fjalë një vajze.
Alketa Vejsiu: Po e banalizon ti
Edhe spektaklin e kaluar një koment i opinionistit Robert Aliaj solli një debat të fortë me këngëtaren Bleona Qereti. Aliaj tha se ai ka krijuar një familje ndryshe nga zonjat që kishte përkrah të cilat ende jetojnë me prindërit. Sipas Robertit, vajzat e gratë nuk duhet të jetojnë gjithë jetën krahë prindërve pasi ky është modeli i gabuar që “u servilet” të rejave sot. Ky koment solli dhe reagimin e Bleona Qeretit.
