Mediat britanike i kanë kushtuar një artikull lidhjes së dashurisë së këngëtares me origjinë shqiptare Dua Lipa dhe të dashurit të saj, 4 vite më të vogël, Anwar Hadid.
Sipas tabloidit “The Sun” çifti, tashmë i famshëm duket se është në krizë dhe kjo ka ardhur si pasojë e karrierës, e cila po i mban larg njëri-tjetrit.
26-vjeçarja Dua dhe 22-vjeçari nuk janë takuar prej më shumë se 6 javësh dhe raportohet të kenë diskutuar për të marrë kohë për të vendosur për të ardhmen e tyre.
Dua është duke regjistruar albumin e saj të ri në Londër e Los Angeles, ndërkohë që Anwar po qëndron në Nju Jork i vetëm bashkë me qenin e tyre.
Vëllai i vogël i supermodeleve Gigi dhe Bella, madje shkroi në “Instagram” një mesazh të koduar, ku falënderonte të afërmit që e drejtonin në hapat e tij për të qenë i lumtur me veten.
