Autoritetet shëndetësore në Greqi raportojnë për 75 të vdekur vetëm gjatë 24 orëve të fundit nga COVID-19.
Po ashtu, në shtetin fqinj janë konfirmuar 6196 raste të reja me koronavirus.
Ndërkohë, shqetësues është edhe numri i pacientëve që ndodhen në intubim. Mësohet se në të gjithë spitalet greke ndodhen 690 pacientë që marrin oksigjen nëpërmjet aparaturave dhe se rreziku për ta është tepër i madh.
Sot qeveria greke vendosi për vaksinimin me detyrim për dozën e tretë të të gjithë personave mbi 60 vjeç nisur nga situata problematike e krijuar në vend për shkak të pandemisë.
Numri i përgjithshëm i të infektuarve që nga fillimi i pandemisë në Greqi ka arritur në 945, 095 raste, ndërsa 18, 234 qytetarë kanë humbur jetën./Opinion.al
