Ish-kryeministri Sali Berisha po zhvillon “Foltoren” e radhës, dhe këtë herë ai është në Bajram Curr, në vendlindjen e tij. Nga Tropoja ai tha se Rama iu vuri vizën tropojanëve me vendosjen e taksës në Rrugën e Kombit.
Sipas tij, kjo taksë i ka varfëruar më shumë veriorët. Berisha tha se më këtë veprim ai i ka vënë vizën edhe Kosovës e kosovarëve.
“Rama iu vuri vizën. I vuri taksë Veriut i vuri taksë Kosovës”, tha ai.
Ish-kryeministri Berisha është shprehur i emocionuar për mbërritjen e tij në Tropojë pas shumë kohësh.
“Njeriu i lirë në vendlindjen e tij është dy herë fëmija i natyrës. Sapo mbërrita, Floriana, më pyeti, si ishte udhëtimi për në Tropojë?
Gjysmë tokësor dhe gjysmë qiellor iu përgjigja. Çfarë fati pata që linda në Malësi të Gjakovës,”-tha Berisha./Opinion.al
