Kryetari i PD, Lulzim Basha ka reaguar lidhur me akuzat e ish-kryeministrit Sali Berisha se ai është i përfshirë në çështjen e parave të gjetura në “Toyota Yaris”.
Nëpërmjet një postimi në rrjetet sociale, Basha shkruan se ndien keqardhje që Berisha bie çdo ditë më poshtë dhe se akuzat e tij janë të ngjashme me ato të Ramës.
Kreu i demokratëve thotë se nuk do të lejojë që partia të përdoret për interesa personale nga Sali Berisha.
Reagimi i Bashës
Çfarë keqardhje ta shohësh Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit. Ajo që deklaroi Sali Berisha sot është ekzaktësisht ajo për të cilën më akuzoi Edi Rama javën e kaluar. Përgjigjja ime ndaj Sali Berishës është e njëjta që i dhashë Edi Ramës. Asnjë trillim nuk do ta shndërrojë PD në mburojë të interesave personale./ Opinion.al
