Familjarët e Mateos vijojnë të kërkojnë për prova, pas dyshimeve se 38-vjeçari mund të mos ketë qenë i vetëm ditën që vrau dhe groposi fëmijën 8 vjeç.
Ditën e sotme ata kanë shkuar në shtëpinë e Klodian Çalamanit, për të parë nëse gjenin diçka që mund t’i çonte tek personi i tretë.
Dyshimet nisën pas deklaratës së fortë që bëri tezja e 8-vjeçarit, ditën e djeshme në “News24”, ku tha se Klodian Çalamani nuk ka vepruar i vetëm.
Ka qenë kjo deklaratë që i ka bërë familjarët e Mateos të shkojnë në shtëpinë e 38-vjeçarit për të kërkuar për ndonjë gjurmë.
Sipas të afërmeve të Mateos, djali u vra nga Çalamani, pasi ka parë diçka që nuk duhej ta shihte dhe se ai kishte një sekret që donte ta rrëfente.
Ashtu siç shihni edhe në foto, Çalamani jetonte në një dhomë, në kushte të vështira ekonomike. Banesa e tij ndodhej shumë pranë shtëpisë së 8-vjeçarit që vrau. Familjarët e Mateos kërkojnë dënim me vdekje për 38-vjeçarin, i cili aktualisht ndodhet në paraburgimin e Vlorës.
