Personi që shihni në foto është Klodian Çalamani, 38-vjeçari i cili vrau 8-vjeçarin në fshatin Mujalli të Fierit.
Çalamani mori peng dhe vrau të miturin dhe më pas e mbuloi me baltë në oborrin e banesës.
Në momentin që është marrë peng, i mituri ka qenë duke shëtitur me biçikletën e Çalamanit. Ka qenë nëna e djalit që ka dhënë alarmin në lagje se i mituri nuk gjendej dhe se nuk kishte shkuar as në shkollë. Pasi kontrolluan në lagje, ajo bashkë me bashkëshortin bënë denoncimin në polici.
Pas këqyrjes së disa kamerave të sigurisë në lagje, u pa nga prindërit se 8-vjeçari kishte hyrë në banesën e 38-vjeçarit Klodian Çalamani.
Pasi u konstatua nga kamerat se i mituri ishte futur në banesën e Çalamanit, Policia ka hyrë në banesën e 38-vjeçarit. Ai u mor në pyetje dhe pasi disa minutash pranoi autorësinë e krimit.
Sipas “BalkanWeb”, autori ka thënë para policisë se “e mora në shtëpi. E vrava dhe e groposa me baltë në oborr”. Aktualisht ende nuk janë të qarta rrethanat dhe shkaqet e ngjarjes së rëndë./Opinion.al
