Buckingham Palace ka bërë të ditur se Mbretëresha Elizabeth nuk do të marrë pjesë, siç u njoftua pak ditë më parë, në përkujtimet dhe aktivitetet për të vrarët e luftës, për shkak të një problemi me shpinën. Mbretëresha Elizabeth pritej të kthehej në publik pas javëve të pushimit të kërkuara nga mjekët gjatë të cilave ajo u detyrua gjithashtu të shtrohej në spital për 24-orë.
Sovrania 95-vjeçare duhej të merrte pjesë në aktivitetin e Ditës Kombëtare të Përkujtimit,në cermonitë që i kthehen shkëlqimit të tyre tradicional, me pjesëmarrjen e mbi 10 mijë veteranëve dhe qindra ushtarëve.
Në komunikatën e Pallatit Buckingham flitet për një “sforcim të shpinës” për Elizabeth. Sipas korrespondentit mbretëror të Sky neës, problemi nuk ka të bëjë me arsyet pse mjekët i kishin rekomanduar sovranes britanike të pushonte për disa javë. “Madhëria e saj – vazhdon shënimi i pallatit – është e keqardhur që nuk do të marrë pjesë” në ceremoninë përkujtimore në Londër./Opinion.al
