Vajza e mitur, e shqiptares Klodiana Çelo, ka folur për ngjarjen që ishte dëshmitare.
12-vjeçarja ka treguar pamjen e tmerrshme që iu desh të shihte; “mami nxori armën dhe qëlloi babin”-ka thënë e mitura.
Pas tmerrit, e vogla u dërgua në Mbrojtjen e të Miturve, ku tregoi ndjesitë dhe ngjarjet që ka përjetuar vitet e fundit. 12-vjeçarja tregoi për “luftën” që ka mbizotëruar mes prindërve të saj lidhur me kujdestarinë.
47-vjeçarja shqiptare qëlloi me armë zjarri, ish-partnerin e saj grek, Jeorge Neos. Mediat greke shkruajnë se shqiptarja dhe mjeku grek ishin në sherr të vazhdueshëm për kujdestarinë e vajzës së tyre, e cila kishte lindur pas një lidhje jashtëmartesore.
Ngjarja e rëndë ndodhi mesditën e të enjtes, në kryeqytetin grek, kur Klodiana, gruaja me origjinë shqiptare vendosi të qëllonte me breshëri plumbash, babain e fëmijës së saj në mes të rrugës, për t’i “dhënë fund” problemeve lidhur me kujdestarinë.
Greku kishte marrë vajzën dhe jetonte bashkë me bashkëshorten britanike. Ndërsa raportohet se 70-vjeçari nuk lejonte që shqiptarja të takohej me vajzën./Opinion.al
