Sekretari i Përgjithshëm i Partisë Demokratike, Gazment Bardhi, ishte në një deklaratë për mediat, ku ka thënë për të disatën herë se firmat nuk janë dorëzuar në PD.
Bardhi tha se në asnjë moment nuk është njoftuar për mbledhjen e Kuvendit, dhe se nuk mund të njoftohet nga “Facebook”.
Ndër të tjera ai ka denoncuar se në “Foltoret” e organizuara nga Sali Berisha, pjesë në mbledhjen e firmave është edhe shefi i shtabit elektoral të deputetit socialist Orlando Rakipit, në zgjedhjet e 25 prillit.
“Dhe ky shefi i shtabit të Orlando Rakipit do verifikojë mandatet e anëtarëve të Kuvendit të PD? Po pse ca kemi ndërmend të bëjmë ne? T’i dorëzojmë karriget Qifes? Pra kur kemi shefin e shtabit organizator të foltores dhe mbledhës të firmave në rresht të parë që solli dhe mbajti në pushtet Edi Ramën quhet se po luftojnë Ramën, kurse ne që i denoncojmë këto quhemi pengje të Ramës. Tallje më të madhe me demokratët se kjo s’mund të ketë”,-tha Bardhi.
Ndër të tjera Bardhi tha se kjo tollovi është krijuar për shkak të marrëdhënieve të Berishës me SHBA-në dhe s’ka të bëj me hallet dhe problemet e demokratëve.
“Statuti nuk parashikon verifikim të firmave nga një komision i ngritur në Kuvend. Është e pamundur fizikisht të verifikon 4-5 apo 6 mijë firma në një orë sa është afati i veprimtarisë. Kjo tollovi është krijuar për shkak të marrëdhënies së Sali Berishës me SHBA-në dhe me këtë nuk kanë të bëjnë hallet dhe problemet e demokratëve”-tha Bardhi./Opinion.al
