Një 25-vjeçar është arrestuar ndërsa shoku i tij, 30 vjeç, është proceduar në gjendje të lirë.
Sipas uniformave blu të Tiranës, në pranga ka rënë shtetasi B.L., 25 vjeç dhe nën hetim është 30-vjeçari me inicialet E.H. Mësohet se dy të rinjtë nuk i janë bindur urdhrit të policisë, madje kanë goditur edhe një efektiv.
“Specialistët për Hetimin e Krimeve në Komisariatin e Policisë Nr. 3 bënë arrestimin e shtetasit B. L., 25 vjeç dhe proceduan në gjendje të lirë shtetasin E. H., 30 vjeç pasi duke lëvizur me mjetin tip “Benz” nuk i janë bindur punonjësit të Policisë së Qarkullimit Rrugor dhe gjatë shoqërimit kanë goditur punonjësit e policisë.
Materialet i kaluan Prokurorisë së Rrethit Gjyqësor Tiranë për veprime të mëtejshme proceduriale”, thuhet në njoftimin e policisë./Opinion.al
