Pas kritikave dhe paralajmërimeve për sanksione të bëra ndaj bashkive në vendin tonë për pastrimin e territorit, kryeministri Edi Rama ka nisur të pastrojë mbeturinat në pyllin e Sodës në Vlorë.
Rama iu bëri thirrje qytetarëve për ndërgjegjësim, ndërsa theksoi se Policia e Shtetit nuk duhet të lejojë në vende të caktuar të krijohen grumbullime mbeturinash.
Kjo nuk është hera e parë që Rama merr pjesë në të tilla iniciativa. Hera e fundit ishte në periudhën e verës, ku Rama u shfaq teksa mblidhte disa mbeturina në fushat sportive të ndërtuara në zonën e Lugomares në Vlorë./ Opinion.al
