Ministrja e Shëndetësisë, Ogerta Manastirliu ka shkuar sot në Krujë, ku ka parë nga afër situatën në spitalin e këtij qyteti ku rreth 370 qytetarë kanë patur shenja helmimi.
Sipas Manastirliut në spital janë paraqitur edhe adoleshentë dhe fëmijë ndërsa më tej theksoi se situata është e qetë.
Ndërkohë Manastirliu tha se dy janë pistat ku po hetohet tek mostrat e ujit dhe tek ushqimet.
“Rreth 370 qytetarë kanë marrë shërbim. Situata është e qetë pa komplikacione. Qytetarët kanë marrë shërbimni e nevojshëm janë konsultuar. Sot janë paraqitur rreth 60 qytetarë. Kanë marrë shërbim dhe janë nisur për në shtëpi pasi situate shëndetësore ska qenë e rënduar, janë edhe disa pacientë të tjerë që janë duke marrë shërbim. Janë rreth 30 qytetarë, janë edhe adoleshentë fëmijë dhe të rritur. Pistat? Janë marrë mostrat e ujit dhe ushqimeve, hetimi po bëhet në të gjiutha aspektet. Rezultati i analizave mikrobiologjike ka një afat të caktuar, kur të kemi rezultatet do kemi një raport të detajuar. I gjithë sistemi shëndetësor është në gatishmëri të plotë. Nëse do ketë raste të shtuara edhe në spitalin e Durrësit mund të vendoset në gatishmëri për rastet. Hetimi bëhet në shumë pista që të kemi të kontrolluar të gjithë aspektin e kujdesit shëndetësor“.
