Ambasadori i Bashkimit Europian në Tiranë Luigi Soreca ka patur sot një takim me kreun e PD Lulzim Basha. Në mesazhin që ka ndarë në rrjetet sociale, Soreca shprehet se i ka dorëzuar Bashës raportin e Komisionit Europian për Shqipëinë dhe se mbështet rolin pozitiv të lidershipit të PD-së në këtë moment politik të rëndësishëm për Shqipërinë.
“Sot isha i kënaqur të dorëzoja raportin e Komisionit Europian për Shqipërinë, kryetarit të PD-së, Lulzim Basha.
Roli i opozitës është thelbësor në monitorimin e zbatimit të rekomandimeve të përfshira në Raport. Ne patëm një diskutim të plotë edhe për PD-në, axhenda parlamentare për muajt e ardhshëm. BE mbështetet rolin pozitiv që ka luajtur lidershipi i PD-së në këtë moment të rëndësishëm politik për Shqipëri në rrugën e saj drejt anëtarësimit në BE”, shkroi Soreca./Opinion.al
