Kur kanë mbetur edhe 3 ditë të tjera nga afati për aplikimin në Policinë e Shtetit për punonjës të rolit bazë, që do të jenë Patrullë e Përgjithshme,
Ministri i Brendshëm, Bledi Çuçi, bashkë me drejtorin e Policisë së Shtetit, Gledis Nano, kanë zhvilluar këtë të mërkurë një me të rinj që duan t’i bashkohen Policisë së Shtetit.
Ky takim vjen teksa kanë mbetur vetëm 3 ditë nga afati për aplikimin në Policinë e Shtetit për punonjës të rolit bazë.
Çuçi iu bëri thirrje të rinjve që duan ti bashkohen policisë që të ruajnë integritetin moral e profesional që prej ditës së parë të punës.
“Integriteti në punë shënohet që në ditën e parë. Bëjnë karrierë në Policinë e Shtetit ata që kanë integritet të lartë moral dhe profesional. Niseni karrierën tuaj me synimin për të mos humbur asgjë nga integriteti. Mos u gënjeni nga modele të mbrapshta që prishin karrierën tuaj që në momentet e para. Brezi juaj dhe të tjerët që do të përzgjidhen nga aplikimet e reja, do të ripërtërijë më tej trupën e Policisë së Shtetit. Ne jemi në një fazë që duam ta ulim akoma moshën mesatare në Policinë e Shtetit dhe po investojmë gjithashtu në teknologji të lartë”, -tha ministri Çuçi.
Policia e Shtetit ka bërë 2 thirrje publike, për 500 punonjës policie të rolit bazë, që do të jenë Patrullë e Përgjithshme, si dhe për 50 oficerë për Hetimin e Krimit, që vijnë nga të rinjtë ekselentë të fushave të ndryshme si shkencat juridike, ekonomike ose kompjuterike.
