Pas fjalës së kryeministrit Rama në Kuvend, kreu i opozitës i është drejtuar foltores të Kuvendit për të replikuar.
Kreu i PD, e cilësoi kreun e qeverisë si: ‘nëna dhe baba e së keqes’. Më tej ai akuzoi Ramën se tenton t’i mbyllë gojën opozitës.
“Kryeministrit herë tjetër vërjani gotën të mbushur, që të mos ketë fytin e tharë. Nëse përsëritja e fakteve dhe të vërteta është nëna e dijes, dalja këtu për të shtrembëruar ato që thash unë është nëna e të keqes dhe baba e të keqes. Shikojeni si e orienton debatin, njësoj si në ditët e para të pandemisë që na dilte dhe kur hapnim frigoriferin. Thotë pastaj që për opozitës duhet të ketë moratorium për fjalën, të mbyll gojën. Kështu ka bërë gjithmonë”, tha Basha.
