Deputeti i Partisë Demokratike, Ervin Salianji, ka zhvilluar ditën e sotme takime me fermerët.
Në një status në rrjetet sociale teksa publikon foto nga takimet ai akuzon qeverinë se naftën e ka përdorur si instrument mashtrimi gjatë fushatës.
Më tej ai thotë se fermerët në shumicën e rasteve i hedhin në kanale prodhimet ose i shesin me çmim në kosto. Sakaq ai shkruan se Qeveria dhe perfaqësuesit e saj as nuk duken pas zgjedhjeve!
“Me fermerët!
Qeveria ju është bërë barrë fermerëve, në bashkëpunim me kartelet ka rritur çmimin e farave, plehrave kimikë dhe pesticideve. Naftën e përdorën vetëm si instrument mashtrimi gjatë fushatës, taksën e tokës e rrisin çdo vit.
Prodhimet në shumicën e rasteve hidhen në kanale ose shiten me çmim në kosto. Qeveria dhe përfaqësuesit e saj as nuk duken pas zgjedhjeve!
Gjithçka për ti shkurtuar ditët kësaj qeverie!”, shkruan Salianji./Opinion.al
