Në një konferencë për mediat nga Pogradeci, Presidenti i Republikës Ilir Meta është pyetur për vendimin e Gjykatës Kushtetutës mbi shkarkimin e tij.
Ai është shprehur i zhgënjyer nga pyetja dhe ka thënë se lëvizja e tij në mbrojtje të Kushtetutës është sulmuar nga faktor të jashtëm dhe të brendshëm.
Pritet qe me 14 tetor Komisioni i Venecias të japë një opinion për shkarkimin tuaj, a keni pasur kontakte me Komisionin e Venecias dhe a i druheni një shkarkimi nga Gjykata Kushtetuese?
Jam i zhgënjyer për pyetjen tuaj, pasi nuk ekziston asnjë çështje në Venecia për Presidentin. Ajo është çështje politike. Jam tepër i qetë dhe i pa shqetësuar, për sjelljet e të tjerëve. Pasi sjelljet e mia kanë qenë pro Kushtetutës. Jam krenar për gjithë veprimtarinë time në mbrojtjen e Kushtetutës, e cila është sulmuar në mënyrën më armiqësore, më tradhtare nga faktorë të jashtëm dhe të brendshëm për të pasur Shqipërinë sot një situatë aspak të dëshirueshme, në raport edhe me BE. Kuvendi duhet të kishte çelur negociatat me kohë nëse do dëgjohej Presidenti mbi zgjedhjet vendore apo Gjykatën Kushtetuese./Opinion.al
