Një deklaratë e kandidatit për kryetar të Podujevës në Kosovë, Xhemajl Hasani nga partia NISMA është bërë virale në rrjet.
I ftuar në emisionin “Edicioni Zgjedhor” në Klan Kosova, pyetjes se më çfarë mjeti lëvizni, Xhemajl Hasani është shprehur se ka një mjet modest, makinë “Ferrari”.
Në momentin kur është pyetur për vlerën e automjetit, ai ka thënë 70 mijë euro, deklaratë kjo që ka shkaktuar të qeshura në studio.
Një pjesë nga biseda:
Gazetarja: Me çfarë veture vozisni zoti Hasani?
Xhemajl Hasani: Lëviz me një veturë modeste, dhuratë prej familjarëve.
Gazetarja: Çfarë është modeste për ju?
Xhemajl Hasani: Me Ferrari. (Shkaktohen të qeshura në zyrë).
Gazetarja: Ferrari, veturë modeste? (qesh)
Xhemajl Hasani: Pse?
Gazetarja: Çfarë vlere ka?
Xhemajl Hasani: 70 mijë Euro.
Gazetarja: Dhe kjo është modeste për ju, apo jo?
Xhemajl Hasani: Po si të gjithë kandidatët e tjerë.
Hasani menjëherë pas emisionit në llogarinë e tij ne Facebook publikoi një fotografi ku shihet afër veturës “modeste”.
