Një vit më parë kryeministri Edi Rama dhe naftëtarët arritën një marrëveshje, e cila iu jepte naftëtarëve 40 mijë lekë për 1 vit.
Këtë muaj afati skadon dhe naftëtarët muajin tjetër në rast se nuk gjendet sërish zgjidhje do të mbeten pa pagesë sërish.
Kreu i Sindikatës, Sokol Dautaj i ka bërë thirrje Ramës dhe qeverisë që të ulen në tryezë për një zgjidhje.
“Kemi pasur një marrëveshje, k qëndruam paktit, për 1 vite jemi paguar, tetori muaji i fundit, Rama është shprehur se nuk do i flakë naftëtarët, shpresojmë të marrë vendimin e duhur. Vendimi, i kemi qëndruar paktit, vendimi jepet në fund të muajit, muajin tjetër nuk marrim pagë.
Vendimi është i gjithë naftëtarëve, për çdo vit vijme, ja kemi shprehur kabinetit që pakti nuk është zgjidhja jonë. 550 punonjës nuk dalin pension. Nuk është zgjidhje kjo, nga ana financiare. Falenderojmë Ramën, por nuk është zgjidhje kjo. E kemi lidhur jetën tonë me naftën, rafinerinë. I kemi qëndruar paktit, tani palët të ulen në tavolinë për të gjetur zgjidhje”, tha Dautaj në news 24.
Ndërkohë, naftëtarët e Ballshit janë mbledhur sërish përballë ambienteve të rafinerisë së naftës, pasi pretendojnë se 3 kamionë janë paraqitur mëngjesin e sotëm për të marrë nga rafieneria mallin e sekuestruar nga gjykata, që sipas kryetarit të Sindikatës së naftëtarëve, Sokol Dautaj u takon atyre.
Dautaj u shpreh se me një vendim të formës së prerë nga ana e gjykatës, malli i ndodhur në rafinerinë e Ballshit u takon naftatarëve, ndaj kërkoi transparencë nga kompanitë që po tentojnë të tërheqin mallin.
“Sot edhe disa ditë të tjera kemi ardhur pasi kompanitë nënkontraktore, të cilat ndoshta kanë një vendim gjyqi për të likuiduar me kompanitë që kanë operuar në rafineri, erdhën sërish në mëngjes me kamionë për të marrë mallin, kur erdhët ju ikën. Ua qajmë hallin dhe atyre.
Ne nuk do bëjmë rolin si macia me miun, çdo tre ditë vijnë paraqiten borxhlinjtë e radhës, por si ata dhe ne kemi një vendim të formës së prerë për sekuestrimin e mallit të kompanisë ARMO.
Ne nuk do vijmë çdo ditë këtu të kacafyten borxhlinjtë me njëri tjetrin. Nëse atyre u takon malli me ligj le ta marrim, të paraqiten përpara kamerave dhe të paraqesin dokumentet e tyre.
Ky është shkaku që ne kemi ardhur këtu. Ajo që kërkojmë është që të vihet dorë në këtë rafioneri që mos të merret malli në mënyrë spontane pa u shprehur instancat e duhura”, tha Dautaj./Opinion.al
