“E drejtë e Kosovës të aplikojë reciprocitetin”, SHBA për marrëveshjen për targat

I dërguari i SHBA-së për Ballkanin Perëndimor, Gabriel Escobar, e ka quajtur sukses arritjen e marrëveshjes për targat në Bruksel mes Kosovës dhe Serbisë.

Në një konferencë ai është shprehur se është e drejtë e qeverisë së Kosovës që zbatojë reciprocitetin.

“Kemi rrugë të gjatë përpara në dialog. I japim mbështetje Lajçakut dhe ekipit të tij për një zgjidhje konstruktive. Është e drejtë e qeverisë së Kosovës që zbatojë reciprocitetin. Roli i KFOR-it nuk është të marrë kompetencat e autoriteteve vendore por të sigurohet funksionimi i rregullt i pikave kufitare”, është shprehur ai.

Më tej ai vijoi deklaratën duke thënë:“Mësimi është që në partneritet me BE-në mund të bëjmë një përparim në ndihmën e Ballkanit që të integrohet më shumë me BE-në pas një periudhe të vështirë në të cilën kaloi rajoni”.

Sa i përket dialogut mes Kosovës dhe Serbisë, Escobar, tha se ka ende shumë punë për t’u bërë dhe se varet nga vullneti politik i palëve./Opinion.al

Si mendoni se do shkojë situata në PD:

Sondazh | Ju lutem përzgjidhni emrat e dy aktorëve të preferuar nga lista e mëposhtme. Kjo listë i përket brezit të tretë të aktorëve të kinemasë.