Është betuar ditën e sotme para Presidentit të Republikës qeveria e re “Rama 3”.
Pas betimit i gjithë kabineti qeveritar është drejtuar në këmbë drejtë Kryeministrisë ku kanë kryer një foto e cila është protokollare dhe pa humbur kohë kanë nisur mbledhjen e parë.
Fjalën e parë e ka mbajtur Kryeministri Rama i cili i ka kërkuar ministrave të respektojnë me korrektësi të gjitha rregullat e kodit etik, që nga pushimet brenda vendit, udhetimet me avion apo dhe drekat darkat familjare gjatë ditëve të punës.
“Duam të ndajmë me opinionin publik këtë nisje zyrtare. Çdo anëtar i kabinetit duhet të zotohet këtu publikisht në respektimin në frymë dhe germë të Kodit Etik, duke marrë kështu përgjegjësinë. Kodi Etik është miratuar si një dokument parimesh që përcaktojnë vijnë e sjelljes së anëtarëve të qeverisë. Unë do të shënojë disa pika kyçe të thëna në dokumentin e miratuar. Fjala që do të dëgjoni është rrjedhojë e eksperiencës. Qytetarët na kanë besuar shërbimin e vendit. Aty nuk shkruhet që; as që anëtarët e qeverisë të udhëtojnë me biznesclass, apo të shkojnë në udhëtime jashtë vendit, apo të pinë kafe.
Apo për dreka dhe darka. Këtu se kam fjalën kur ministrat janë jashtë me punë. Për dy të parat, për udhëtimet dhe pushimet janë zbatuar. Kohë më parë politikanët shullëheshin me pushime jashtë. Do përcaktuar në aneksin e kodit etik se bashkëshortët e anëtarëve të kabinetit, s’mund të përdorin sallën e vipave në aeroportin e Rinasit. Po ashtu ndalohet dhe përdorimi i makinës së ministrit nga familjarët. Për fat të keq pirja e kafeve, nuk është zbatuar. Të gjithë qytetarët duhet a dinë, Qeveria ka një kod etik. Ndaj dua ta bëj me dije se në rastin e parë të mosrepsketimit të kodit etik, ministri përgjegjës të kërkojë ndjesë publike dhe në rast të përsëritur do të duhet të largohet.
Kjo bën fjalë edhe për mua. Se kam problem që të respektojë dhe 4 vite të tjera. Po ashtu, një tjetër gjë që sqarohet është dhe çështja e dhuratave. Sot kryeministria ka një magazinë për dhuratat, qoftë për medaljonet, deri te dhuratat me vlera të larta monetare. Deri në 2013-ën nuk i lanë në këtë godinë asnjë dhuratë protokollare, a thua se këtu ka qëndruar një fuqi pushtuese që ka marrë çdo gjë.”, tha kryeministri Rama.
Emrat e ministrave të qeverisë ‘Rama 3’
- Kryeministër – Edi Rama
- Zëvendëskryeministër (do mbikëqyrë edhe rindërtimin) – Arben Ahmetaj
- Ministre për Europën dhe Punëte Jashtme – Olta Xhacka
- Ministër i Mbrojtjes – Niko Peleshi
- Ministër i Drejtësisë – Ulsi Manja
- Ministër i Punëve tëBrendshme – Bledi Çuçi
- Ministre e Financave dhe Ekonomisë – Delina Ibrahimi
- Ministre e Infrastrukturës dhe Energjisë- Belinda Balluku
- Ministre e Shëndetësisë dhe Mirëqenies Sociale – Ogerta Manastirliu
- Ministre e Arsimit dhe Sportit – Evis Kushi
- Ministre e Bujqësisë dhe Zhvillimit Rural- Frida Krifca
- Ministre e Kulturës Elva Margariti
- Ministre e Mjedisit dhe Turizmit, – Mirela Kumbaro
4 ministra shteti
- Elisa Spiropali për Marrëdhëniet me Parlamentin
- Edona Bilalli ministre shteti për Mbrojtjen e Sipërmarrjes
- Bora Muzhaqi ministre Shteti për Rininë dhe Fëmijët
- Milva Ekonomi, ministre Shteti për Standardet e Shërbimeve
