Partia Demokratike ka denoncuar sot kanabizimin e vendit, i cili sipas kësaj force politike ka ardhur me urdhër politik të Edi Ramës.
Ka qenë deputeti i PD-së Ervin Salianji i cili në rrjetin social “Facebook” ka publikuar një video të kryeministrit Edi Rama teksa ai mohon kanabizimin, ndërsa në video shfaqen foto nga parcela me hashash, të shkrepura përgjatë këtij muaji.
Deputeti i PD thekson se Shqipëria vijon të jetë një serë e madhe kanabisi, duke shtuar se sipas raportit të OKB-së Shqipëria është e para në në Europë për prodhimin e hashashit.
“Pak ditë më parë, një fermer i dha fund jetës sepse produktet e tij kalbeshin për mungesë të tregut dhe subvencioneve. Në të njëjtat vështirësi janë mijëra fermerë, të braktisur nga një pushtet që prioritet dhe produkt kryesor ka hashashin. Shqipëria vijon të jetë një serë e madhe kanabsi, të parët në Europë për prodhimin e hashashit sipas raportit të OKB-së, sepse kultivimi ndodh me urdhrin politik të atij që e ktheu vendin në Kolumbinë e Europës për të siguruar vota nga krimi i organizuar”, shkruan Salianji./Opinion.al
/
