Si në ditën e parë të shkollës, edhe në ditën e parë të kuvendit deputetët shqiptarë e veçanërisht zonjat dukeshin kaq të kujdesura për pamjen e tyre. Dikush brenda stilit e dikush tjetër me pak më shumë guxim, duket se gratë parlamentare ashtu sikurse ka ndodhur në fakt edhe në të shkuarën, nuk mundën t’i shpëtonin paradës së veshjeve, ndonëse jo në një tapet të kuq.
Ra në sy drejtuesja e LSI Monika Kryemadhi, e cila duket se ka provua me një stil të ri, Një fund pak më vajzëror dhe një këmishë elegante , një tentativë për të ulur vitet kombinuar edhe me krehjen e re. Pa harruar syzet!
Ndërkohë Erisa Xhixho shfaqet pranë saj me një fustan të bardhë, poshtë gjurit.
Ndërkohë një veshje më protokollare ka zgjedhur deputetja socialiste Lindita Nikolla. Me një kostum të zi, Nikolla duket se nuk ka pereferuar t’i iki stilit serioz edhe oër faktin që pritet të marr pozicionin e Kryetares së Kuvendit.
Me kostum të errët pantallonash dhe një këmishë të bardhë, duket se dhe ish-ministrja Etilda Gjonaj nuk i ka lëvizur asnjë presje stilit të saj të dikurshëm.
Fustani poshtë gjurit duket se është së fundi identifikues për deputeten Grida Duma e cila edhe në ditën e parë të kuvendit nuk ka hequr dorë nga ky stil. Ndërkohë më e thjeshtë dhe protokollare shfaqet Jorida Tabaku e cila spikat në fakt për elegancën e saj në veshje. Deputetja Albana Vokshi ka zgjedhur një fustan të zi të ngushtë pas trupit.
Me një kostum në nuancat e ngjyrës bojëqielli dhe lejla, edhe Mesila Doda është perpjekur të shfaqet elegante brenda një stili protokollar serioz. Në një kostum me fund e xhaketë dhe këmishë./Opinion.al
