Një polic 58-vjeçar italian, ka ndërruar jetë në spital të dielën pas infektimit me Covid-19, gjatë një misioni të zhvilluar nga reparti i tij.
Mediat italiane raportojnë se Candido Avezzù, vdiq më 29 gusht në spitalin Jesolo për shkak të komplikimeve që iu shfaqën pas kontraktimit të Covid-19.
Ai rezultoi pozitiv me koronavirus më 28 korrik. Sipas Lëvizjes Sindikale Autonome të Policisë, ai e ka marrë virusin gjatë një shërbimi në pikën e nxehtë të Tarantos, ku kishte shpërthyer një vatër mes emigrantëve.
Ndërkohë gjendja e tij u përkeqësua më 10 gusht, ku u transferua në terapi intensive.
Në mediat sociale Avezzù tregoi se çfarë që po ndodhte me të. Më 28 korrik, duke u vendosur në spitalin Jesolo, ai shkroi në Facebook: “Nuk është një vend për të kaluar pushimet, shpresoj të shkoj në shtëpi këtë mëngjes”.
Një postim tjetër dhe përfundimtar u shfaq më 10 gusht. “Po hyj në terapi intensive”.
Mediat italiane duke ju referuar deklaratës së bashkëshortes së tij, raportojnë se ai ishte kundër vaksinimit.
Ai ishte kundër vaksinës – shpjegon Monica Valotto – ai kishte frikë se do t’i shkaktonte një trombozë, ai nuk i besonte asaj. Dhe ai as nuk besonte se koronavirusi ishte aq i rrezikshëm. Ai më tha: ‘Unë jam më i fortë se Covid. Ndoshta ai e kishte nënvlerësuar rrezikun’./Opinion.al
