E veshur me një fustan ngjyrë rozë që valëzonte në erë, Cristal Straus shkëmbeu betimet e martesës me burrin që dikur u dënua për vrasjen e vëllait të saj. Avokati i tij mbrojtës drejtoi ceremoninë dhe vajzat e avokatit ishin shoqërueset e nuses.
Në vitin 1989, John Tiedjen u shpall fajtor për vrasjen e Brian McGary, një mik i ngushtë i cili kishte jetuar me familjen e tij që kur ishte 15 vjeç, thonë të dhënat e gjykatës. Straus ishte rreth 12 vjeç kur vëllai i saj vdiq dhe e kishte njohur Tiedjen pothuajse gjithë jetën e saj.
Straus tha se disa vjet më parë ajo i kishte shkruar Tiedjenit një letër që e falte, çka sipas tij u bë edhe shkak për nisjen e një ndjenje që Tiedjen e quajti “magjike”.
Straus e vizitoi Tiedjen në burg dhe u befasua nga mirësia e tij, ndërsa ai nisi të ndjente diçka për të. Për këtë arsye Tiedjen e inkurajoi që ajo të shikonte provat e rastit. Straus thotë se ajo u bind se ai nuk ishte vrasësi i vëllait të saj.
Në fillim të këtij viti, pasi kishte kryer 32 vite burg, dënimi i Tiedjen u rishikua dhe ndaj tij u dha një gjykim i ri, pasi një gjyqtar gjeti fotografi të vendit të krimit dhe disa raporte të policisë që nuk i ishin zbuluar mbrojtjes para gjykimit fillestar. Tashmë ai ka një dënim me arrest shtëpie.
Tiedjen, Straus dhe avokati i tij thonë se provat tregojnë për vetëvrasje, megjithëse prokurorët argumentojnë se gjurmët e gishtërinjve të McGary nuk ishin në armë. Sipas prokurorisë, në duart e tij nuk u gjet asnjë mbetje me armë zjarri. Ai kishte kaluar një kohë të vështirë dhe kishte një histori familjare me vetvrasje, thotë mbrojtja./Opinion.al
View this post on Instagram
